ქართველები იაპონიიდან მსოფლიოს პრიზიორები დაბრუნდნენ
საქართველოს ნაკრებმა წარმატებულად იასპარეზა მსოფლიო ჩემპიონატზე კიოტოში, საიდანაც მსოფლიოს პრიზიორები დაბრუნდნენ. ვახტანგ სიხარულიძემ და ლაშა როსტომაშვილმა გოშინ ნო კატაში მესამე ადგილი დაიკავეს. ასევე შერეულ გუნდურ სახეობაში ვახტანგ სიხარულიძე, ალექსანდრე ხეროდინაშვილი და ლაშა როსტომაშვილი მესამე ადგილზე გავიდნენ. უნდა აღინიშნოს, რომ გუნდურ ჩათვლაში საქართველოს სამკაციანი ნაკრები მესამე ადგილზე გავიდა (პირველზე იაპონია, მეორეზე ბრიტანეთი). მედლების გარეშე დარჩნენ ისეთი გუნდები, როგორიც არის საფრანგეთი, რუსეთი, ესპანეთი, ავსტრალია და ა.შ., რომელთა ნაკრები შედგებოდა 20-30 წევრისგან).
RSS | მთავარი | კონტაქტი | English 
| 
