უნო (მე-8 დანი) და სატო (მე-6 დანი) სენსეის სემინარი და ატესტაცია სოფიაში.
16-18 მარტს ბულგარეთის დედაქალაქ სოფიაში გაიმართა იაპონელი ოსტატების, კენში უნო (მე-8 დანი, იაპონიის აიკიდოს ასოციაციის ვიცე-პრეზიდენტი) და ტადაიუკი სატო (მე-6 დანი, ვასედას აიკიდოს კლუბის ხელმძღვანელი) სემინარები და ატესტაცია. ჩვენი ასოციაციის ორმა წევრმა, ვახტანგ სიხარულიძემ და ლაშა როსტომაშვილმა, უკრაინელ და ბულგარელ აიკიდოისტებთან ერთად, მონაწილეობა მიიღო აღნიშნულ სემინარებში. ვახტანგ სიხარულიძემ წარმატებით გაიარა ატესტაცია მეოთხე დანზე და იაპონელ ოსტატთა სიმპატია დაიმსახურა. ატესტაციაში მონაწილეთა შორის მან ერთადერთმა ჩააბარა ყველაზე მაღალ თანრიგზე. ჩვენი სპორტსმენების დონე და ტექნიკა აშკარად გამოირჩეოდა სხვა მონაწილეთა ტექნიკისგან, რაც არაერთხელ აღნიშნეს იაპონელმა ოსტატებმა. ვულოცავთ მათ ამ წარმატებას და მომავალში უფრო მეტი და მაღალი მწვერვალებისთვის მიეღწიოთ!
RSS | მთავარი | კონტაქტი | English 
| 
